සිංහ රජදහනේදී එංගලන්තයට අභියෝගයක්! තරගාවලියේ ඉරණම තීරණය වන තීරණාත්මක රාත්රිය අදයි!
සංචාරක එංගලන්ත කණ්ඩායම සහ ශ්රී ලංකාව අතර තීරණාත්මක දෙවන විස්සයි විස්ස ක්රිකට් තරගය අද (01) රාත්රී 07.00ට මහනුවර පල්ලෙකැලේ ජාත්යන්තර ක්රිකට් ක්රීඩාංගණයේදී ආරම්භ වේ.
තරග තුනකින් සමන්විත මෙම තරගාවලියේ පළමු තරගය වර්ෂාව මධ්යයේ ඩක්වර්ත් ලුවිස් න්යාය අනුව ලකුණු 11කින් ජය ගැනීමට එංගලන්තය සමත් වූ අතර, ඒ අනුව ඔවුන් දැනටමත් 1-0ක් ලෙස තරගාවලියේ පෙරමුණ ගෙන සිටියි. සෑම් කරන්ගේ කඩුලු ත්රිත්වය හමුවේ පළමු තරගයේදී පසුබෑමකට ලක්වූ ශ්රී ලංකා කණ්ඩායමට තරගාවලියේ බලාපොරොත්තු රඳවා ගැනීමට නම් අද පැවැත්වෙන මෙම තරගය අනිවාර්යයෙන්ම ජය ගත යුතුව තිබේ.
විශේෂයෙන්ම එළඹෙන පෙබරවාරි 07 වැනිදා ආරම්භ වීමට නියමිත විස්සයි විස්ස ලෝක කුසලාන තරගාවලියට පෙර තම ශක්තිය උරගා බැලීමට ශ්රී ලංකාවට ලැබෙන අවසන් අවස්ථාව මෙය බැවින්, පල්ලෙකැලේ ප්රේක්ෂක උද්යෝගය මැද සිංහයන් අද එංගලන්තයට එරෙහිව ප්රබල සටනක් දෙනු ඇතැයි දෙස් විදෙස් විචාරකයන්ගේ දැඩි අවධානය යොමුව ඇත.
