ක්රිකට් පාලක මණ්ඩලය පන්නන සටන අද ඇරඹෙයි!
ජාතික ක්රිකට් කණ්ඩායම දිගින් දිගටම ලැබූ පරාජයන් හමුවේ වත්මන් ක්රිකට් පාලක මණ්ඩලයට වහාම ඉල්ලා අස්වන ලෙස බල කරමින් ක්රිකට් ලෝලීන් පිරිසක් අද (01) කොළඹ පිහිටි ශ්රී ලංකා ක්රිකට් මූලස්ථානය ඉදිරිපිට දැවැන්ත විරෝධතාවක නිරත වූහ.
බෞද්ධ භික්ෂූන් වහන්සේ නමකගේ මූලිකත්වයෙන් සංවිධානය කර තිබූ මෙම විරෝධතාව සඳහා සිවිල් ක්රියාකාරීන් සහ ක්රිකට් ලෝලීන් විශාල පිරිසක් එක්ව සිටි අතර, ඔවුන්ගේ ප්රධාන ඉල්ලීම වූයේ ශ්රී ලංකා ක්රිකට් සභාපති ශම්මි සිල්වා මහතා ඇතුළු නිලධාරී මණ්ඩලය වහාම සිය ධුරවලින් ඉවත් විය යුතු බවයි.
දේශීය ක්රිකට් ක්රීඩාවේ ප්රමිතිය යළි ගොඩනැගීමට පාලක මණ්ඩලය අපොහොසත් වී ඇති බවට චෝදනා කළ විරෝධතාකරුවෝ, ක්රිකට් ක්රීඩාවේ පවතින වත්මන් පරිහානියට මෙම නිලධාරීන් සෘජුවම වගකිව යුතු බව අවධාරණය කළහ.
විරෝධතාව හේතුවෙන් ක්රිකට් මූලස්ථානය අවට දැඩි පොලිස් ආරක්ෂාවක් යොදවා තිබූ නමුත්, කිසිදු ප්රචණ්ඩකාරී සිදුවීමක් වාර්තා නොවූ බව පොලිසිය තහවුරු කළේය,
