ශ්රී ලංකාවෙන් එංගලන්තයට ලකුණු 134ක ඉලක්කයක්
සංචාරක එංගලන්ත කණ්ඩායම සහ ශ්රී ලංකාව අතර පැවැත්වෙන පළමු විස්සයි විස්ස ක්රිකට් තරගයෙන් ජයග්රහණය සඳහා එංගලන්තයට ලකුණු 134ක ඉලක්කයක් හිමිව තිබේ. වර්ෂාව හේතුවෙන් එක් ඉනිමක් පන්දුවාර 17කට සීමා වූ මෙම තරගයේ කාසියේ වාසිය දිනූ එංගලන්තයේ ආරාධනයෙන් ප්රථමයෙන් පන්දුවට පහරදුන් ශ්රී ලංකා කණ්ඩායම පන්දුවාර 16.2ක් තුළ ලකුණු 133කට සීමා කිරීමට එංගලන්ත පන්දු යවන්නන් සමත් විය.
ශ්රී ලංකා ඉනිම වෙනුවෙන් කුසල් මෙන්ඩිස් වේගවත් ලකුණු 37ක් රැස්කළ අතර, ආරම්භක පිතිකරු පැතුම් නිස්සංක ලකුණු 23ක් ලබා ගත්තේය. කෙසේ වෙතත්, මැදපෙළ පිතිකරුවන්ට එංගලන්ත පන්දු යැවීම හමුවේ වැඩි වේලාවක් පිටියේ රැඳී සිටීමට අවස්ථාවක් හිමි නොවීය.
පන්දු යැවීමේදී එංගලන්තය වෙනුවෙන් විශිෂ්ට දක්ෂතාවක නිරත වූ සෑම් කරන් සහ ආදීල් රෂීඩ් කඩුලු 03 බැගින් බිඳ හෙලූහ. මෙහිදී විශේෂත්වයක් වූයේ ඉනිමේ 16 වන පන්දුවාරය ක්රියාත්මක කළ සෑම් කරන් විසින් අගනා කඩුලු ත්රිත්වයක් (Hat-trick) වාර්තා කිරීමයි. ඒ සමඟින් ඔහු විස්සයි විස්ස ජාත්යන්තර තරග රටාව තුළ එංගලන්තය වෙනුවෙන් කඩුලු ත්රිත්වයක් ලබාගත් දෙවන ක්රීඩකයා ලෙස ඉතිහාසයට එක්විය.
