ශ්‍රී ලංකා – එංගලන්ත පළමු සටන පන්දුවාර 17කට සීමා වෙයි: කාසියේ වාසිය එංගලන්තයට

සංචාරක එංගලන්ත කණ්ඩායම සහ ශ්‍රී ලංකාව අතර පැවැත්වෙන පළමු විස්සයි විස්ස ක්‍රිකට් තරගයට වර්ෂාවෙන් බාධා එල්ල වීම හේතුවෙන්, එක් ඉනිමක් පන්දුවාර 17කට සීමා කිරීමට විනිසුරුවන් තීරණය කර තිබේ. අයහපත් කාලගුණය හේතුවෙන් තරගය නියමිත වේලාවට ආරම්භ කිරීමට නොහැකි වූ අතර, පිටිය පරීක්ෂා කිරීමෙන් අනතුරුව පන්දුවාර සංඛ්‍යාව කපා හැරීමට පියවර ගැනුණි.

තරගයේ කාසියේ වාසිය ජයග්‍රහණය කිරීමට එංගලන්ත නායකයා සමත් වූ අතර, රාත්‍රී කාලයේ පවතින පිනිබිඳුම් තත්ත්වය සහ තෙතමනය සහිත තණතීරුවේ වාසිය ලබාගැනීමේ අරමුණින් ඔහු ප්‍රථමයෙන් පන්දුයැවීමට තීරණය කළේය. ඒ අනුව ශ්‍රී ලංකා කණ්ඩායම ප්‍රථමයෙන් පන්දුවට පහරදීම සඳහා පිටියට පිවිසීමට නියමිතය. ප්‍රමාද වී ආරම්භ වන මෙම තීරණාත්මක තරගය රාත්‍රී 08.40ට ආරම්භ කිරීමට සියලු කටයුතු සූදානම් කර ඇත.