ප්රබල චරිතයක් නැවතත් එක්දින ශේණිගත කිරීම්හි තමාගේ සුපුරුදු පළමු තැන ලබාගනී.
ජාත්යන්තර ක්රිකට් කවුන්සිලය (ICC) විසින් නිකුත් කරන ලද නවතම ක්රිකට් ශ්රේණිගත කිරීම්වලට අනුව, ඉන්දීය කාන්තා කණ්ඩායමේ සුපිරි ආරම්භක පිතිකාරිනී ස්මෘති මන්දනා සුවිශේෂී ප්රගතියක් අත්කර ගනිමින් ලොව දක්ෂතම පිතිකාරිනියන් අතර පෙරමුණට පැමිණ තිබේ.
පසුගිය තරගාවලි කිහිපය පුරා ඇය දැක්වූ අඛණ්ඩ දක්ෂතා හේතුවෙන් ප්රසාද ලකුණු රැසක් හිමිකර ගනිමින් ශ්රේණිගත කිරීම් ලැයිස්තුවේ ඉහළටම පැමිණීමට ඇයට හැකි වී ඇත. විශේෂයෙන්ම වේගවත් ලකුණු රැස් කිරීම සහ අසමසම පිතිකරණ විලාසය හේතුවෙන් ඇය මේ වන විට ලොව ඕනෑම පන්දු යවන්නියකට හිසරදයක් බවට පත්ව සිටී.
ඇලිසා හීලි වැනි ප්රබල ක්රීඩිකාවන් ජාත්යන්තර පිටියෙන් සමුගන්නා පසුබිමක, ස්මෘති මන්දනා මෙලෙස ශ්රේණිගත කිරීම්වල ඉහළට පැමිණීම කාන්තා ක්රිකට් පිටියේ නව ආධිපත්යයක් ගොඩනැගීමක් ලෙස විචාරකයෝ පෙන්වා දෙති. මන්දනා සිය එක්දින සහ විස්සයි-20 ශ්රේණිගත කිරීම් දෙකෙහිම කැපී පෙනෙන වර්ධනයක් පෙන්නුම් කර ඇති අතර, එය ඉන්දීය කණ්ඩායමට ඉදිරි ලෝක කුසලාන තරගාවලි සඳහා විශාල ශක්තියක් වනු ඇත
