සුපිරි අට දෙනාගේ වටයේ ශ්රී ලංකාව මුහුණ දෙන පළමු තරගය
පන්දුවාර විස්ස ලෝක කුසලාන ක්රිකට් තරගාවලියේ වඩාත් උණුසුම්ම අදියර වන ‘සුපිරි අට’ දෙනාගේ වටයේ ශ්රී ලංකාව සහභාගී වන පළමු තීරණාත්මක තරගය එංගලන්ත කණ්ඩායමට එරෙහිව පැවැත්වීමට සියලු කටයුතු සූදානම් කර තිබේ. දෙරටේ ක්රිකට් ලෝලීන්ගේ දැඩි අවධානය දිනාගත් මෙම සටන එළඹෙන 22 වනදා පස්වරු 3:00 ට මහනුවර පල්ලේකැලේ ජාත්යන්තර ක්රිකට් ක්රීඩාංගණයේදී ආරම්භ වීමට නියමිතය.
එම දිනයම ජාත්යන්තර ක්රිකට් පිටියේ තවත් දැවැන්ත තරගයකින් වර්ණවත් වන අතර, සුපිරි අට දෙනාගේ වටයේ ඉන්දියාව සහ දකුණු අප්රිකාව අතර ගැටුම එදිනම රාත්රී 7:00 ට ඉන්දියාවේ අහමදාබාද් නුවරදී පැවැත්වේ.
ශ්රී ලංකා කණ්ඩායමට ලෝක කුසලාන අවසන් පූර්ව වටය සඳහා සුදුසුකම් ලැබීමට මෙම වටය අතිශය වැදගත් වන අතර, ඔවුන් මුහුණ දෙන සෙසු තරග දෙක ලබන 25 වැනිදා කොළඹදී සහ 28 වැනිදා යළිත් මහනුවර පල්ලේකැලේ ක්රීඩාංගණයේදී පැවැත්වීමට නියමිතව ඇත.
