“වසර හතරකට පසු, හර්දික් සහ මම වෙන්වීමට තීරණය කළා. අපි එකට ඉන්න හැම විටම උත්සාහ කළා” – හර්ඩික්ගෙ බිරිද නටාශා Instagram හි විශේෂ සටහනක් පළ කරමින් දික්කසාද වෙයි
ශ්‍රී ලංකාවට ඉන්දීය විස්සයි20 නායකයා ලෙස පැමිණීමට නියමිතව සිටි හර්දික් පාණ්ඩ්‍යාගේ පවුල් ජීවිතයද වෙනස්වී තිබේ. හර්දික් පාණ්ඩ්‍යා හා බිරිය නතාෂා ස්ටැන්කොවික් දික්කසාද වූ බව නතාෂා ඊයේ නිවේදනය කළාය. ඇය තම විවාහයේ දික්කසාදය නිවේදනය කළේ Instagram හි විශේෂ සටහනක් පළ කිරීමෙනි. හර්දික් පාණ්ඩ්‍යාද එවැනි සටහනක් පළ කිරීමෙන් මෙය තහවුරුවී තිබේ. ඔවුන් දෙදෙනාම එක්ව තම පුත් අගස්තිව ඇති දැඩි කරනු ඇති බවත්, ඔවුන්ගේ සිව් අවුරුදු සම්බන්ධතාවය අවසන් කරන බවත් ඇය ප්‍රසිද්ධියේම ප්‍රකාශ කළාය.
සර්බියානු ජාතික නිරූපණ ශිල්පිනියක්වූ නටාෂා මෙසේ සටහන්කොට තිබිණි. “වසර හතරකට පසු, හර්දික් සහ මම වෙන්වීමට තීරණය කළා. අපි එකට ඉන්න හැම විටම උත්සාහ කළා. ඒත් අන්තිමට අපි දෙන්නා එකතුවෙලා වෙන් වෙන්න තීරණය කළා. මෙය අප ගත් නිවැරදි තීරණයයි. නමුත් මෙම තීරණය ගැනීම ඉතා අපහසු වුණා. අපි පවුලක් හැදුවා. එකිනෙකා සමඟ හොඳ කාලයක් ගත කළා. ඒත් දැන් නිල වශයෙන් වෙන් වූවා” ඇය සටහන් කළාය.
හර්දික්ගේ නායකත්වයෙන් 2022දී ගුජරාට් ටයිටන්ස් කණ්ඩායම ශූරතාව දිනාගත් දින නතාෂා පිටියට බැස එකිනෙකා සිපගෙන ඡායාරූප ගත්තද මෙවර ලෝක කුසලාන ජයග්‍රහණයේදී එවැනි දර්ශනයක් නොදුටු බව ඉන්දීය මාධ්‍යයේ දැඩි කතාබහකට ලක් විය. දික්කසාදයත් සමඟ හර්දික් පාණ්ඩ්‍යා සතු දේපළවලින් සියයට 70ක් නටාෂාට හා පුතු අගස්ත්‍යාට හිමිවන බව ඉන්දීය මාධ්‍ය සඳහන් කර සිටී.
