ඉන්දීය ප්‍රීමියර් ලීග් 2025 සංස්කරණයේ කණ්ඩායම් රඳවා ගන්නා ක්‍රීඩකයින් අතර, වැඩිම ගෙවීම දකුණු අප්‍රිකාවේ හෙන්රිච් ක්ලාසන්ට

ඉන්දීය ප්‍රීමියර් ලීග් 2025 සංස්කරණයේ කණ්ඩායම් රඳවා ගන්නා ක්‍රීඩකයින් අතර, වැඩිම ගෙවීම දකුණු අප්‍රිකාවේ හෙන්රිච් ක්ලාසන්ට වන අතර, එම මුදල ඉන්දීය රුපියල් කෝටි 23ක් (ශ්‍රී ලංකා රුපියල් කෝටි 80ක්) පමණ වේ.

හෙන්රිච් ක්ලාසන් 2025 වසරේදී ඉන්දීය ප්‍රීමියර් ලීග් ක්‍රිකට් තරගාවලියේ සන්රයිස් හයිද්‍රාබාද් පිල සමඟ තවදුරටත් කටයුතු කිරීමට එකඟවී ඇති අතර, ඔහුගේ සම්බන්ධය දිගටම කරගෙන යාමේ ගිවිසුම් අත්සන් කිරීම ඉදිරියේදී සිඳුවනු ඇත. ක්ලාසන් 2023දී සන්රයිස් හයිද්‍රාබාද් පිල සමඟ එක්වූ අතර, සංස්කරණ දෙකක් පුරාවට ඉනිම් 26කදී ලකුණු 927ක් රැස්කර ගෙන ඇති අතර, 175 කට ආසන්න විස්මිත ප්‍රහාරක වේගයක් රඳවා ඇත.