අයිපීඑල් අවසන් සටනට පෙර පන්සල් අතුගාන ගෞතම් ගම්බීර්
හිටපු ඉන්දීය ආරම්භක පිතිකරු සහ අයිපීඑල් අවසන් මහා තරගයට පිවිසි කොල්කටා නයිට් රයිඩර්ස් කණ්ඩායමේ උපදේශක ගෞතම් ගාම්භීර් ප්‍රමුඛ එම කණ්ඩායම පසුගියදා උදෑසන ගුවහාටිහි නිලචල් කඳුකරයේ පිහිටි ඓතිහාසික ශක්ති පීත් කමඛ්‍යා විහාරස්ථානයට ගියේය. ගාම්භීර් දැඩි ආරක්ෂාව මධ්‍යයේ කාමාක්‍යා දේවියගෙන් ආශිර්වාද ලබා ගැනීමට කණ්ඩායම සමඟ පැමිණ සිටි බව ඉන්දීය මාධ්‍ය වාර්තා කළේය.
භාරතීය ජනතා පක්ෂයේ පාර්ලිමේන්තු මන්ත්‍රීවරයෙකු ද වන ගෞතම් ගාම්භීර් දේව ආශිර්වාදය ලබා ගැනීමට පෙර විහාරස්ථාන පරිශ්‍රය පිරිසිදු කළේය. මේ සංචාරයේ අධ්‍යාත්මික වැදගත්කම තවත් වැඩි කරමින් ශක්ති පීත් කාමාඛ්‍යා විශේෂ පූජාවකට ද ගාම්භීර් සහභාගී වූ බව අනාවරණය විය.
ඉන්දීය ප්‍රිමියර් ලීග් අවසන් මහා තරගය චෙන්නායි චිදම්බරම් ක්‍රීඩාංගණයේදී මේ 26 වැනිදා පැවැත්වීමට නියමිතය. ඉන්දීය ප්‍රිමියර් ලීග් ක්‍රිකට් තරගාවලියේ කොල්කටා නයිට් රයිඩර්ස් කණ්ඩායමේ අයිතිකරු බොලිවුඩ් රජු ෂාරුක් ඛාන් වේ.
