එංගලන්තය පරාද කරන්න අපිට පුළුවන් – ශ්‍රි ලංකා ප්‍රධාන පුහුණුකරු ක්‍රිස් සිල්වර්වුඩ්

වත්මත් ලෝක ශුරයන් වුවත්, මේ වන විට පත්ව සිටින තත්වය අනුව එංගලන්ත කණ්ඩායම මත ගොඩනැගී ඇති පීඩනය වැඩි බැවින් බෙංගලූරු නුවර එම්. චින්නස්වාමි ක්‍රීඩාංගණයේ හෙට (26 වැනිදා) පැවැත්වෙන තරගයේදී ඔවුන් පරාජය කිරීමට ශ්‍රී ලංකාවට අනගි අවස්ථාවක් පවතින බව ශ්‍රී ලංකා කණ්ඩායමේ ප්‍රධාන පුහුණුකරු ක්‍රිස් සිල්වර්වුඩ් මහතා පැවැසිය.

“‍මේ තරගයට කළින් අපි පුහුණු සැසි 3 කට සහභාගි වුණා. අපේ කණ්ඩාය‍ම මේ වෙනකොට ගෙදර වැඩ කරලා තරගයට හොඳින් සූදානම් වෙලයි ඉන්නෙ. තරගාවලියෙ ඉදිරියට යන්න කණ්ඩායම් දෙකටම මේක තීරණාත්මක තරගයක්. ඒත් මේ තරගෙදි අපිට වඩා එයාලට තියෙන පීඩනය වැඩියි කියලා මම හිතනවා. ඒ එයාලා හිටපු ලෝක ශූරයො නිසා.” යැයිද සිල්වර්වුඩ් මහතා කියා සිටියේය.