විස්සයි20 ලෝක කුසලාන ක්රිකට් තරගාවලිය හෙට ඇරඹේ
![](http://i0.wp.com/sixcricket.com/wp-content/uploads/2024/04/englad.jpg?fit=1200%2C675&ssl=1)
ජාත්යන්තර ක්රිකට් කවුන්සිලය 9 වැනි වරට සංවිධාන කරන විස්සයි20 ලෝක කුසලාන ක්රිකට් තරගාවලිය හෙට (1) අමෙරිකාවේදී ආරම්භ වෙයි.
මෙවර තරගාවලියේදී අමෙරිකාව සමඟින් බටහිර ඉන්දීය කොදෙව් සම සත්කාරකයන් ලෙස කටයුතු කරන අතර, කොදෙව්හිදී තරග ආරම්භ වන්නේ අනිද්දා (2) ය. පළමු තරගයේ ආරම්භය අමෙරිකානු වේලාවෙන් ජුනි 1 රාත්රි 8.30ට වුවද එය ශ්රී ලංකා වේලාව අනුව ඉරිදා (2) පෙරවරු 7.00 වන අතර, දෙවැනි තරගය මෙරට වේලාව අනුව ඉරිදා රාත්රි 8.00 වේ.
අවසන් වරට පැවති තරගාවලියේ ශූරතාව දිනාගත් එංගලන්තය 2010දීත් ශූරතාව දිනාගෙන ඇති අතර බටහිර ඉන්දීය කොදෙව් පිල ද දෙවරක් (2012 හා 2016) ශූරතාව දිනා ගෙන තිබේ. මංගල තරගාවලියේ ශූරයන් වූ ඉන්දියාව (2007), පාකිස්තානය (2009), ශ්රී ලංකාව (2014) සහ ඔස්ට්රේලියාව (2021) එක් වරක් බැගින් ශූරයන් වී තිබේ.
අයිසීසී ඉහළ පෙළේ සාමාජික රටවල් අතරින් නවසීලන්තය, දකුණු අප්රිකාව, බංග්ලාදේශය සහ ඇෆ්ගනිස්තානය තවමත් ශූරතාව දිනා නැත.