ශ්‍රී ලංකා පිලේ ටෙස්ට් සංචිතයට නම් කරපු, කවුද මේ සොනාල් දිනූෂ.?

සංචාරක ඔස්ට්‍රේලියානු පිලට එරෙහි තරග දෙකකින් සමන්විත ටෙස්ට් තරගාවලියේදී තුන් ඉරියව් ක්‍රීඩක සොනාල් දිනූෂ ශ්‍රී ලංකා පිලේ මූලික ටෙස්ට් සංචිතයට නම් කර ඇත. දිනූෂ මේ දිනවල ක්‍රියාත්මක අන්තර් ක්‍රීඩා සමාජ මේජර් ලීග් තුන්දින තරගාවලියේදී පිට පිට ශතක දෙකක් රැස් කරමින් දස්කම් දැක්වූ අතර, නිමාවූ පාකිස්තාන ‘ඒ’ ක්‍රිකට් සංචාරයේදී ශතකයක් හා අර්ධ ශතකයක් ලබා දස්කම් දැක්වීය.

සොනාල් දිනූෂ මෙලෙස ස්ථාවර දස්කම් දක්වමින් ප්‍රබල තත්ත්වයක පසුවන හෙයින් ශ්‍රී ලංකා ටෙස්ට් සංචිතයට ඇතුළත් කිරීමට ක්‍රිකට් තේරීම් කමිටුව පියවර ගෙන තිබේ. කොළඹ මහනාම විදුහ‍ලෙන් ක්‍රිකට් පිටියට පිවිස සීසීසී ක්‍රීඩා සමාජයට ක්‍රීඩා කරන 24 හැවිරිදි වමත් දඟ පන්දු යවන සොනාල් පළමු පෙළ තරග 44කදී කඩුලු 94ක් ලබා පන්දුවෙන්ද දස්කම් දක්වමින් සිටියි.