දැවැන්ත හයේ පහර වර්ෂාවක් සමග පන්දු 10ක් තුළ ක්‍රියාත්මක වූ Liam Livingstoneගේ ගිණිකෙළි සැණකෙළිය.!
ක්‍රිකට් ලෝකයේ ඉහළම වාණිජ වටිනාකමක් දරන තරගාවලිය ලෙසින් සැලකෙන ඉන්දීය ප්‍රිමියර් ලීග් ක්‍රිකට් තරගාවලියේ 2022 වසර සඳහා වන සංස්කරණය අති උත්කර්ෂවත් අයුරින් පසුගිය දා ආරම්භ වූයේ ශ්‍රී ලංකා සුපිරි ක්‍රිකට් තරු රැසකගේද සහභාගීත්වයෙනි
මේ අතර තරගාවලියේ 48වන තරගය ලෙස භානුක රාජපක්ෂ ක්‍රීඩා කරන Punjab Kings සහ Gujarat Titans කණ්ඩායමත් අතර පැවති තරඟයෙන් කඩුලු 8ක විශිෂ්ට ජයග්‍රහණයක් වාර්තා කිරීමට Punjab Kings කණ්ඩායම සමත් වුනා.
තරඟයේ කාසියේ වාසිය ජයග්‍රහණය කළ Punjab Kings නායකයා ප්‍රථමයෙන් පන්දුවට පහර දීම සඳහා Gujarat Titans කණ්ඩායමට ආරාධනා කර සිටියා.
එ අනුව පන්දුවට පහර දීම සඳහා පිටියට පිවිසි Gujarat Titans පිතිකරුවන් නියමිත පන්දුවාර 20 අවසනයේ රැස් කිරීමට සමත් වුයේ ලකුණු 143ක් පමණයි.
ඒ අනුව ලකුණු 144ක ජයග්‍රාහි ඉලක්කයක් හඹා යාම සඳහා පිටියට පිවිසි Punjab Kings පිතිකරුවන් පන්දුවාර 16ක් අවසානයේ කඩුලු 2ක් පමණක් දැවී ලකුණු 145ක් වාර්තා කර තරඟය ජයග්‍රහණය කළා.
භානුක රාජපක්ෂ සහ Shikhar Dhawan විසින් Punjab Kingsඉනිම ගොඩනැගීමේ විශිෂ්ට ඉනිම දියත් කරනු ලැබුවා. ඔවුන් දෙදෙනා ලකුණු 87ක සබඳතාවයක් ගොඩ නැගීමට සමත් වුනා.
Liam Livingstone පන්දු 53ක් තුල ලකුණු 62ක් වාර්තා කිරීමට සමත් වූ අතර ඔහුගේ ඉනිමට දැවැන්ත හයේ පහරක් සහ හතරේ පහර 8ක් ඇතුලත් වුනා. භානුක රාජපක්ෂ පන්දු 28ක් තුල ලකුණු 40ක් වාර්තා කිරීමට සමත් වූ අතර ඔහුගේ ඉනිමට දැවැන්ත හයේ පහරක් සහ හතරේ පහර 5ක් ඇතුලත් වුනා.
භානුක රාජපක්ෂ දැවී ගිය පසු Punjab Kingsකණ්ඩායමේ අංක 4 පිතිකරු ලෙස පිටියට පිවිසෙන විට පන්දුවාර 5ක් තුල ජයග්‍රහණය සඳහා ලකුණු 27ක් රැස් කිරීමට අවශ්‍ය වී තිබු අතර එම ලකුණු සංඛ්‍යාව Mohammed Shami විසින් යොමු කළ 15 වන පන්දුවාරයේ සුපුරා ගැනීමට Liam Livingstone සමත් වුයේ දැවැන්ත හයේ පහර 3ක් සහ හතරේ පහර 3ක් එම පන්දුවාරයේ එල්ල කරමිනි.
Liam Livingstone පන්දු 10ක් තුල අධිවේගී ලකුණු 30ක් රැස් කරමින් Punjab Kings කණ්ඩායම සුරැකිව ජයග්‍රහණය වෙත රැගෙනගියා.
පන්දු 10ක් තුල ක්‍රියාත්මක වූ Liam Livingstoneගේ ගිනිකෙළි සැණකෙළිය පහතින් නරඹන්න
