“අපිට ආයෙන් ලොකේ හොඳ බ්‍රෑන්ඩ් එකක් තියෙන කණ්ඩායමක් වෙන්න පුලුවන්” – ප්‍රහාරාත්මක පිතිකරු භානුක රාජපක්ෂ
ආසියානු කුසලාන තරගාවලිය ආරම්භ වීමට තවත් ඇත්තේ පැය කිහිපයක් පමණයි. හෙට රාත්‍රියේ ශ්‍රී ලංකාව සහ ඇෆ්ගනිස්ථානය අතර පැවැත්වෙන සමාරම්භක තරඟයෙන් මෙවර තරගාවලිය ආරම්භ වනවා.
මේ අතර මීට දින කිහිපයකට පෙර ඩුබායි හිදී පුහුණුවීම් ඇරඹූ ශ්‍රී ලංකා කණ්ඩායම මේ වනවිට හෙට පැවැත්වෙන තරගය සඳහා මනා සූදානමකින් පසුවනවා.
මේ පිළිබඳව ශ්‍රී ලංකා කණ්ඩායමේ ප්‍රහාරාත්මක පිතිකරු භානුක රාජපක්ෂ අද.ESPN Cricinfo වෙත ප්‍රකාශ කර සිටියේ ඉන්දීය ප්‍රිමියර් ලීග් තරඟාවලියෙන් ලබාගත් රිද්මය දිගටම පවත්වා ගනිමින් දක්ෂතා දැක්වීමට බලාපොරොත්තු වන බවයි.
එහිදී වැඩිදුරටත් අදහස් දැක්වූ භානුක රාජපක්ෂ,
“IPL සෙල්ලම් කරලා මම අරන් ආව අත්දැකීම් කණ්ඩායමට ලොකු ශක්තියක් ගෙනත් දීලා නියනවා. ශිකර් ධාවාන්, මායන්ක් අගර්වාල්, කගීසෝ රබාඩා වගේ ක්‍රීඩකයෝ එක්ක කතා කරලා මම ආයේ කණ්ඩායමට එනකොට ගොඩක් ධනාත්මක දේවල් අරන් ආවා. මම හිතනවා අපිට ආයෙන් ලොකේ හොඳ බ්‍රෑන්ඩ් එකක් තියෙන කණ්ඩායමක් වෙන්න පුලුවන් කියලා. “
