කැමරන් ග්රීන්ගේ ශතකය නවසීලන්තයට එරෙහි ඕස්ට්රේලියානු ඉනිම සවිමත් කරයි
![](http://i0.wp.com/sixcricket.com/wp-content/uploads/2024/03/cameron-green.jpg?fit=1200%2C675&ssl=1)
ඕස්ට්රේලියාව සහ නවසීලන්තය අතර වෙලිංටන්හිදී ඊයේ (29 වැනිදා) ආරම්භ වූ ටෙස්ට් ක්රිකට් තරගය පළමු දිනය සඳහා නතර කරන විට පන්දුවට පහර දෙමින් සිටි ඕස්ට්රේලියාව සිය පළමු ඉනිම වෙනුවෙන් කඩුලු 9 ක් දැවී ලකුණු 279 ක් ලබා සිටියේය.
ඒ වන විට කැමරන් ග්රීන් හතරේ පහර 16 ක් සමග නොදැවී ලකුණු 103 ක් ලබා සිටි අතර එය ඔහුගේ දෙවැනි ටෙස්ට් ශතකය විය. මිචෙල් මාෂ් (40) සමග එක්ව 5 වැනි කඩුල්ල වෙනුවෙන් ලකුණු 67 ක සම්බන්ධතාවක් ගොඩනැගීමටද ග්රීන් සමත් විය.
පළමු කඩුල්ල වෙනුවෙන් ලකුණු 61 ක සම්බන්ධතාවක් ගොඩනැගූ ස්ටීවන් ස්මිත් සහ උස්මාන් කවාජා ඕස්ට්රේලියානු කණ්ඩායමට සාර්ථක ආරම්භයක් ලබාදුන්හ. ස්මිත්ගේ ඉනිමට හතරේ පහර 4 ක්ද, කවාජාගේ ඉනිමට හයේ පහරක් සහ හතරේ පහර 3 ක්ද ඇතුළත් විය.
දක්ෂ පන්දු යැවිමක නිරත වූ මැතිව් හෙන්රි ලකුණු 43 කට කඩුලු 4 ක් බිඳහෙළීමට සමත් වූ අතර ඕස්ට්රේලියානු පිතිකරුවන් පීඩනයට පත්කිරීම සඳහා හෙන්රිට අනගි සහායක් දුන් විලියම් ඕරුක් සහ ස්කොට් කුගිලීජන් කඩුලු 2 බැගින් දවාගත්හ.