ශ්‍රි ලංකා නායිකා චමරි අතපත්තූට තවත් අයිසීසී සම්මානයක්
ශ්‍රී ලංකා ක්‍රිකට් නායිකා චමරි අතපත්තු අයිසීසී මැයි මාසයේ ක්‍රීඩිකාව ලෙස සම්මාන දිනා ගැනීමට සමත්ව තිබේ.
චමරි මේ සම්මානය දිනාගත් දෙවැනි අවස්ථාව මෙය වන අතර, මින් පෙර පසුගිය වසරේ සැප්තැම්බර් මාසයේ ක්‍රීඩිකාව ලෙස ද සම්මාන දිනා ගත්තාය. ඇය පසුගිය වසරේ එක්දින ක්‍රිකට් ක්‍රීඩිකාව ලෙස අයිසීසී සම්මාන දිනා ගෙන තිබිණි.
විස්සයි20 ලෝක කුසලාන තරගාවලිය සුදුසුකම් ලබා ගැනීම සඳහා පැවති තරගාවලියේදී මැයි මාසයේ පැවති තරගවලදී පමණක් ඇය ලකුණු 151ක් රැස් කිරීමට සමත්ව ඇති අතර, කඩුලු 6ක දවා ගැනීමට ද සමත් වූවාය. එම තරගාවලියේදී ඇය ඉනිම 6කදී ලකුණු 226ක් රැස් කළාය.
මෙවර මැයි මස ක්‍රීඩිකා සම්මාන වෙනුවෙන් චමරි සමඟින් ස්කොට්ලන්තයේ කැත්‍රයන් බර්සි සහ එංගලන්තයේ සොෆී එක්ල්ස්ටෝන් ද තරගයට එක්ව සිටියහ.
මේ අතර මැයි මාසයේ ක්‍රීඩකයා ලෙස සම්මාන දිනා ගැනීමට බටහිර ඉන්දීය කොදෙව් ක්‍රීඩක ගුඩකේෂ් මෝති සමත් විය.
