එංගලන්තයේ දී ඉතිහාසගත ජයග්‍රහණයක් ලබා ගැනීමට චමරි අතපත්තු ප්‍රමුඛ ශ්‍රී ලංකා කාන්තා කාන්තා විස්සයි20 කණ්ඩායම සමත් වේ.
ශ්‍රී ලංකා කාන්තා ක්‍රිකට් කණ්ඩායම සිය එංගලන්ත කාන්තා ක්‍රිකට් පිලට එරෙහිව චෙල්ම්ස්ෆෝර්ඩ්හිදී අද පැවැති විස්සයි20 තරගයෙන් කඩුලු 8ක ජයක් අත්කර ගැනීමට සමත් වූ අතර එය ශ්‍රී ලංකා කාන්තා ක්‍රිකට් හි ඓතිහාසික සිදුවීමක් විය.
මෙම විශිෂ්ට ජයග්‍රහණය සනිටුහන් කළේ ශ්‍රී ලංකා කාන්තා කණ්ඩායම මෙම තරගයේ දී එංගලන්ත කාන්තා කණ්ඩායමට එරෙහිව ජයග්‍රහණය කළ පළමු අවස්ථාව ලෙසිනි.
මෙම තරගයේදී ශ්‍රී ලංකා කාන්තා කණ්ඩායම ලකුණු 105ක ඉලක්කයක් ඉතා පහසුවෙන් හඹාගිය අතර අවසානයේ ජයග්‍රහණය හිමිකර ගැනීමට සමත් විය.
ශ්‍රී ලංකා කණ්ඩායම වෙනුවෙන් පෙරමුණ ගෙන සිටි ශ්‍රී ලංකා නායිකා චමරි අතපත්හු පන්දු 31කදී විශිෂ්ට ලකුණු 55ක් රැස්කරමින් සිය සුවිශේෂී දස්කම් ප්‍රදර්ශනය කළ අතර ශ්‍රී ලංකා කණ්ඩායම මෙම ඓතිහාසික ජයග්‍රහණය කරා රැගෙන යාමට ඇයගේ දායකත්වය ප්‍රධාන විය.
මෙම ජයග්‍රහණයත් සමඟ ශ්‍රී ලංකා කාන්තා කණ්ඩායම එංගලන්තය සමග පැවැත්වෙන තරග තුනකින් සමන්විත විස්සයි20 තරගාවලිය 1-1ක් ලෙස සම කිරීමට සමත් විය. මෙම තරගය ශ්‍රී ලංකා පිලේ විශිෂ්ට ජයග්‍රහණයක් සනිටුහන් කරනවා පමණක් නොව කාන්තා ක්‍රිකට් ක්‍රීඩාවේ වර්ධනය වන තරගකාරිත්වය සහ දක්ෂතා ද ඉස්මතු කරයි.
එංගලන්ත කාන්තා පිලට එරෙහිව ඓතිහාසික තරගාවලි ජයග්‍රහණයක් ලබාගැනීමේ අරමුණින් ශ්‍රී ලංකා කාන්තා පිල දැන් තරගමාලාවේ තීරක තරගය දෙස බලා සිටිනු ඇත.
