කණ්ඩායමට දැන් ක්‍රීඩකයන් තේරීම හරිම අමාරුයි. දක්ෂ ක්‍රීඩකයන් බංකුවේ වාඩිවෙලා ඉන්නවා – ශ්‍රි ලංකා නායක චරිත් අසලංක

“ කණ්ඩායමට දැන් ක්‍රීඩකයන් තේරීම හරිම අමාරුයි. දක්ෂ ක්‍රීඩකයන් බංකුවේ වාඩිවෙලා ඉන්නවා. මේ තරගකාරීත්වය කණ්ඩායමක් ලෙස ලොකු ජයග්‍රහණයක්. නායකයා හා පුහුණුකරු බලාපොරොත්තු වෙන්නේ ක්‍රීඩකයන් අතර මේ තරගකාරීත්වය තමයි. නිශාන් මධුෂ්ක, හොඳ තත්ත්වයක ඉන්නවා. එහෙම ක්‍රීඩකයෙක් බංකුවේ වාඩිවෙලා ඉන්න එක කණ්ඩායමක් හැටියට හොඳ දෙයක්. වෙල්ලාලගේට හා වැන්ඩර්සේට අවස්ථාවක් දෙන්න විදිහක් තිබුණේ නෑ. මේ තත්ත්වය මත තේරීම් කමිටුව, පුහුණුකරු හා නායකයා ලෙස මා එක්ව සෑම ක්‍රීඩකයකුටම මාරුවෙන් මාරුවට අවස්ථාව දෙන විදිහට මේ දිනවල සිස්ටම් එකක් හදමින් ඉන්නවා” චරිත් අසලංක පැවසීය.