ක්රිස් ගේල් පෙන්නා කෝටි ගණනක මුදල් වංචා කල කාන්තාවක් පොලිසිය සොයයි
කෙන්යාවේ කෝපි සමාගමක බටහිර ඉන්දීය කොදෙව් ක්රිකට් ක්රීඩක ක්රිස් ගේල් මුදල් ආයෝජනය කළ බව පවසා ගේල්ගේ ඡායාරූප හා වීඩියෝ පෙන්වමින් කෝටි ගණනක මුදල් වංචා කළ කාන්තාවක් ඉන්දියාවේ හයිද්රාබාද් පොලීසිය සොයමින් සිටියි.
වයස අවුරුදු 60ක ව්යාපාරික කාන්තාවක් පැමිණිල්ල ඉදිරිපත් කර ඇති අතර, ඇගේ සහෝදරයා, ඔහුගේ බිරිය හා තවත් පුද්ගලයන් හතර දෙනෙකුට එරෙහිව චෝදනා ගොනු කර තිබේ. සිද්ධිය සම්බන්ධයෙන් ඉන්දීය මධ්යම අපරාධ පොලිස් ස්ථානය පරීක්ෂණයක් ආරම්භ කර තිබේ.
කෙන්යාවේ කෝපි සමාගමක මුදල් ආයෝජනය කළහොත් ලාභ ලැබීමට හොඳ අවස්ථාවක් ඇති බවත්, සමාගමේ හිමිකරු එක්සත් ජනපදය තුළ තම ව්යාපාරය පුළුල් කරමින් සිටින බවත් පවසා බටහිර ඉන්දීය කොදෙව් ක්රිකට් ක්රීඩකයාටද සමාගමේ ආයෝජන කර ඇති බව පවසා තිබේ. මුළු ආයෝජනය ඉන්දීය රුපියල් කෝටි 5.7ක් යෙදවූ පසු ආයෝජන මුදලින් සියයට 4ක් සෑම මසකම ආපසු ලබා දෙන බවත් පවසා මුල් මාස කිහිපයේදී සෑම කෙනෙකුටම ප්රතිලාභ ලබාදී ඇත.
පැමිණිලිකාරිය තම සහෝදරයාගේ වචන විශ්වාස කරමින් ඉන්දීය රුපියල් මිලියන 28ක් ආයෝජනය කළාය. ඊට අමතරව, මිතුරන් සහ පවුලේ සාමාජිකයන් තවත් රුපියල් මිලියන 22ක් ආයෝජනය කිරීමට දිරිමත් කර ඇත. මාස කිහිපයකට පසු, චුදිත සහෝදරයා සහ ඔහුගේ බිරිඳ සමාගමේ පාඩු ගැන කතා කිරීමට පටන්ගත් බවත් පොරොන්දු වූ මාසික මුදල් ආපසු ගෙවීම් නතර වූ බවත් සඳහන් වේ. ක්රිස් ගේල් මෙවැනි ව්යාපාරයකට සම්බන්ධ නැති බවට ද කරුණු අනාවරණය වී ඇත.
