Cricket NewsEXCLUSIVEInternational
ක්‍රීඩා අමාත්‍ය හරීන් ප්‍රනාන්දු මහතා ක්‍රිකට් අතුරු කමිටුව අවලංගු කරයි
ශ්‍රී ලංකා ක්‍රිකට් ආයතනයට අතුරු කමිටුවක් පත්කිරීමට හිටපු ක්‍රීඩා ඇමති රොෂාන් රණසිංහ මහතා විසින් ගන්නා ලද තීරණය අවලංගු කරමින් වත්මන් ක්‍රීඩා අමාත්‍ය හරීන් ප්‍රනාන්දු මහතා තවත් ගැසට් නිවේදනයක් නිකුත් කර තිබේ.
“අන්තර්ජාතික ක්‍රිකට් සභාව (අයිසීසී) විසින් ශ්‍රී ලංකා ක්‍රිකට් ආයතනයට පනවා ඇති තහනම ඉවත් කරගැනීමේ අරමුණින් මෙම ගැසට් පත්‍රයට අද අත්සන් තැබුවා” යයි ක්‍රීඩා අමාත්‍ය හරීන් ප්‍රනාන්දු මහතා එක්ස් (ට්විටර්) පණිවුඩයක් තබා තිබේ.
ශ්‍රී ලංකා ක්‍රිකට් ආයතනය සම්බන්ධයෙන් අන්තර්ජාතික ක්‍රිකට් සභාවට ඉදිරිපත් කර ඇති විගණකාධිපතිවරයාගේ වාර්තාව පිළිබඳ නිරීක්ෂණ ඉල්ලා අන්තර්ජාතික ක්‍රිකට් සභාවට ලිඛිතව දන්වා ඇති බවද සිය ‘එක්ස්’ පණිවුඩයේ සටහන් කරන ක්‍රීඩා අමාත්‍යවරයා ඉදිරි ක්‍රියාමාර්ග සම්බන්ධයෙන් නීතිපති දෙපාර්තමේන්තුවේ උපදෙස් ද ලබාගන්නා බවද කියයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
