“එක දිගට අවුරුදු 5ක් කිලෝමීටර් සිය ගණනක් බයික් එකේ තෙමුණු මට මේ හැඟීම හොඳට දැනෙනවා” – වැස්සේ තෙමෙන තරුණයකු පිළිබඳව කුමාර් ධර්මසේන තැබූ සංවේදී සටහන.!
1996 ලෝක කුසලාන ජයග්‍රාහණය කළ ශ්‍රී ලංකා ක්‍රිකට් කණ්ඩායමේ ක්‍රීඩකයෙකු මෙන්ම වර්තමානයේ ජාත්‍යන්තර ක්‍රිකට්ක වුන්සිලයේ A ශ්‍රේණියේ ප්‍රධාන විනිසුරු වරයෙකු ලෙස කටයුතු කරනු ලබන කුමාර් ධර්මසේන සිය ෆේස්බුක් ගිණුමේ සිය “තෙමුණු අතීතය” පිළිබඳව සංවේදී සටහනක් තබා තිබුනා.
එම සටහන පහතින්
”එක දිගට අවුරැදු 5 ක් කිලෝමීටර් සිය ගණන් බයික් එකේ තෙමුනු මට මේ අත්දැකීම පුදුම විදිහට දැනෙනව…😥
ඒ හැමවෙලේම පාරෙ නොතෙමී යන වාහන දිහා අහින්සක විදිහට බලන් හිටියෙ අල්පෙනෙති තුඩක තරම්වත් ඊරිසියාවකින් නම් නෙමේ….
ඒ හැමවෙලේම සිහින දැක්ක,, මාත් කවදහරි නොතෙමී යනව කියලා….
අද මම නොතෙමී යනවා… ඒත් අදටත් තවත් කෙනෙක් මෙහෙම ඉන්නව දකිද්දි දැනෙන හැගීම වචන වලින් කියන්න බෑ… 😥😥
මම නොතෙමී යද්දී මගේම එවුන් තෙමීගෙන එද්දී,, යද්දී පුදුම හැගීමක්… මට උබලත් එක්ක තෙමෙන්න බැරි වෙයි… ඒත් හදවතින් පතනව හැම මොහොතකම උබල හැමෝටම මාත් එක්ක නොතෙමී යන්න ඉක්මණටම….😥😥😥
මේ රටේ මේ ක්‍රමය මටයි උබටයි නොතෙමී එක විදිහයට යන්න ඉඩ දෙන් නෑ,,
බලමු අපි වෙනස් කරන්න හැමෝටම නොතෙමී යන්න පුලුවන් විදිහට මේ ක්‍රමය….
නොතෙමී යන මම ඒ වෙනස කරන්න උත්සාහ කරද්දි ,තෙමි තෙමී යන උබත් ඒ වෙනස වෙනුවෙන් කැප වෙයන්..😍😍😍
KD”
