සුරංග ලක්මාල්, හිටපු ටෙස්ට් නායක ටී.එම් ඩිල්ෂාන් සාමාජිකත්වය දරණ ඕස්ට්‍රේලියානු එන්ඩෝවර් හිල්ස් ක්‍රිකට් සමාජය සමග ගිවිසුම් ගත වෙයි.

හිටපු ශ්‍රී ලංකා ටෙස්ට් නායක සුරංග ලක්මාල් ඕස්ට්‍රේලියානු එන්ඩෝවර් හිල්ස් ක්‍රිකට් සමාජය සමඟ ගිවිසුමක් අත්සන් කර තිබේ.

ටී.එම් ඩිල්ෂාන් සහ ළහිරු තිරිමාන්න ද මෙම ඔස්ට්‍රේලියානු සමාජ ක්‍රිකට් කණ්ඩායම නියෝජනය කරති.

සුරංග ලක්මාල් 2022 – 2023 තරග වාරය සඳහා එන්ඩෝවර් හිල්ස් ක්‍රිකට් සමාජය යටතේ ක්‍රීඩා කිරීමට නියමිත බව වාර්තා වේ.

සුරංග මේ වන විට එංගලන්ත ප්‍රාන්ත ශූරතාවලියේ ඩර්බිෂයර් නියෝජනය කරයි.

ඔහු මේ වන විට මිඩ්ල්සෙක්ස් පිලට එරෙහිව සිය පළමු ප්‍රාන්ත තරගයට ක්‍රීඩා කල අතර පළමු ඉනිමේදී ලකුණු 100කට කඩුලු 2ක් දවා ගැනීමට සමත් විය.