එංගලන්ත බිමේදි, අරවින්ද ද සිල්වා සතු වූ වාර්තාවක් බිද හෙලීමට ශ්‍රී ලංකා නැගී එන ක්‍රිකට් කණ්ඩායමේ නිශාන් මධුෂ්ක සමත් වේ.

ශ්‍රී ලංකා නැගී එන ක්‍රිකට් කණ්ඩායම සහ කෙන්ට් ප්‍රාන්ත කණ්ඩායම අතර පැවැත්වෙන සිව්දින ක්‍රිකට් තරගයේ තුන්වන දිනය වූ ඊයේ පැරණි වාර්තාවක් බිඳ වැටුණා.

මෙම වාර්තාව පිහිටුවූයේ ශ්‍රී ලංකා නැගී එන ක්‍රිකට් කණ්ඩායමේ නිශාන් මධුෂ්ක විසිනි.

නිශාන් ඊයේ කෙන්ට් පිලට එරෙහිව හතරේ පහර 37ක් සහ හයේ පහර 2ක් සමඟින් ලකුණු 269ක් රැස් කළේය.

මෙය ශ්‍රී ලංකා ක්‍රීඩකයෙකු එංගලන්ත පළමු පෙළ තරගයකදී රැස්කළ වැඩිම ලකුණු සංඛ්‍යාවයි.

1995 වසරේ ඩර්බිෂයර් පිලට එරෙහිව කෙන්ට් වෙනුවෙන් අරවින්ද ද සිල්වා තබා තිබූ ලකුණු 255 වාර්තාව නිශාන් බිඳ දැමීය.

කෙන්ට් ප්‍රාන්ත කණ්ඩායම වෙනුවෙන් වසර 27ක් පුරාවට අරවින්ද ද සිල්වා තබා ඇති මෙම වාර්තාව.