නුවන් තුෂාර කෝටි පහමාරකට රෝයල් චැලෙන්ජර්ස් බෙංගලූරු කණ්ඩායමට!

සවුදි අරාබියේ ජේඩා නුවර පැවැති ඉන්දීය ප්‍රීමියර් ලීග් ක්‍රීඩක වෙන්දේසියේ දෙවැනි දිනයේදී (25 වැනිදා) ඉන්දීය රුපියල් කෝටි 1.6 මුදලක් ගෙවමින් ශ්‍රී ලංකා වේග පන්දු යවන ක්‍රීඩක නුවන් තුෂාරගේ සේවය මිලදී ගැනීමට රෝයල් චැලෙන්ජර්ස් බෙංගලූරු කණ්ඩායමේ හිමිකරුවෝ සමත් වූහ. එම මුදලේ වටිනාකම ශ්‍රී ලංකා රුපියල් කෝටි පහමාර ඉක්මවා ගියේය.

ඉන්දීය රුපියල් ලක්ෂ 75 ක මූලික ලන්සුවක් යටතේ මෙවර ක්‍රීඩක වෙන්දේසියට ඉදිරිපත්ව සිටි තුෂාර, බෙංගලූරු කණ්ඩායමට ඇතුළත් වූයේ එම කණ්ඩායමේ හිමිකරුවන් පළමුව සන්රයිසස් හයිද්‍රාබාද් කණ්ඩායමේ හිමිකරුවන් සමගද, දෙවනුව රාජස්ථාන් රෝයල්ස් කණ්ඩායමේ හිමිකරුවන් සමගද කළ කරට කර ලන්සු තැබීමකින් අනතුරුවය.