නවසීලන්තයේ හා දකුණු අප්‍රිකාවේ ලෝක කුසලාන අපලය දුරුවෙයිද?

එක්දින ක්‍රිකට් පිටියේ කෙතරම් සාර්ථක කණ්ඩායම් දෙකක් වුවත්, ලෝක කුසලාන තරගවලීන්හිදී ඉතා අවාසනාවන්ත කණ්ඩායම් දෙකක් ලෙස නවසීලන්තයත්, දකුණු අප්‍රිකාවත් හැඳින්විය හැකිය. ඊට හේතුව ලෝක කුසලාන තරගාවලින්හිදී කෙතරම් හොඳින් ක්‍රීඩා කළද, මේ වන තෙක් එක්දින ලෝක කුසලානයක පහස විඳීමට මෙම රටවල් දෙකටම නොහැකි වී තිබීමය.

මෙම කණ්ඩායම් දෙක මෙවර ලෝක කුසලාන තරගාවලියේද අවසන් පූර්ව වටයට දක්වා පැමිණ සිටින අතර පිළිවෙලින් ඉන්දියාව සහ ඕස්ට්‍රේලියාව එහිදී ඔවුන්ගේ ප්‍රතිවාදීන් බවට පත්ව සිටියි. ඉන් නවසීලන්තය සහ ඉන්දියාව අතර පළමු අවසන් පූර්ව තරගය බදාදා (15 වැනිදා) මුම්බායිහිදීද, දකුණු අප්‍රිකාව සහ ඕස‍්ට්‍රේලියාව අතර දෙවැනි අවසන් පූර්ව තරගය බ්‍රහස්පතින්දා (16 වැනිදා) කොල්කටාහිදීද පැවැත්වීමට නියමිතය.