ක්‍රිකට් ක්‍රීඩකයන්ට එල්ල කරන “නයිට් ක්ලබ්” චෝදනා ඔප්පු වුවහොත් තමන් ඉල්ලා අස්වන බව ක්‍රීඩා ඇමති කියයි.
පසුගියදා පැවති T20 ලෝක කුසලාන තරඟාවලියේ ජාතික පිරිමි ක්‍රිකට් කණ්ඩායම රාත්‍රී සමාජශාලා වල සිටි බවට චෝදනා කරන පුද්ගලයින්ට එම චෝදනා ඔප්පු කරන ලෙස ක්‍රීඩා අමාත්‍ය හරීන් ප්‍රනාන්දු අභියෝග කරයි.
ක්‍රිකට් ක්‍රීඩකයින් රාත්‍රී සමාජශාලාවල සිටි බවට යම් කිසිවකු විසින් ප්‍රකාශ කරන පරිදි ඔප්පු කළ හැකි නම් තමා අමාත්‍ය ධූරයෙන් ඉල්ලා අස්වන බව ප්‍රනාන්දු අමාත්‍යවරයා පැවසීය.
“අපේ හිටපු ඇමැතිතුමා පසුගියදා කිව්වා කණ්ඩායම රාත්‍රී සමාජශාලාවල ඉඳලා පුහුණුවීම්වලට ආවේ පෙරවරු 09.00ට විතරයි කියලා. මෙම ක්‍රිකට් ක්‍රීඩකයින් රාත්‍රී සමාජ ශාලාවක හෝ සාදයක සිටි බවට කිසිවෙකුට ඔප්පු කළ හැකි නම් මම ඉල්ලා අස්වීමට සූදානම්” යැයි අමාත්‍යවරයා පැවසීය.
තමන් වැඩ භාරගැනීමෙන් පසු විස්සයි20 ලෝක කුසලාන තරගාවලියේදී ශ්‍රී ලංකා කණ්ඩායම තරග 12 න් 07 ක් ජයගත් අතර තරග දෙකක් පරාජයට පත්වූ බව ක්‍රීඩා අමාත්‍යවරයා වැඩිදුරටත් අනාවරණය කළේය.
ප්‍රනාන්දු අමාත්‍යවරයා ජාතික ක්‍රිකට් කණ්ඩායමට මඩ ගැසීමට සමාජ මාධ්‍ය භාවිතා කරන්නන් විවේචනය කරමින් “රටක් ලෙස අපි දරුවන්ට උදව් කළ යුතුයි” යනුවෙන් පැවසීය.
