ලංකා T10 සුපර් ලීගය පැවැත්වෙන ක්‍රීඩාංගණ ප්‍රකාශයට පත් කෙරේ
ලංකා T10 සුපර් ලීග් තරඟාවලියේ සමාරම්භක තරඟාවලිය මහනුවරදී පැවැත්වෙන බව ශ්‍රී ලංකා ක්‍රිකට් (SLC) නිවේදනය කරයි.
ඒ අනුව තරගාවලියේ සියලුම තරග 2024 දෙසැම්බර් 12 සිට 22 දක්වා මහනුවර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී පැවැත්වේ.
ශ්‍රී ලංකාවේ වාර්ෂික ක්‍රිකට් දින දර්ශනයට නවතම එකතු කිරීම වන Lanka T10 Super League තරඟාවලියට ශ්‍රී ලංකාවේ ප්‍රමුඛ පෙළේ ක්‍රීඩකයින් සමඟින් තරුණ හා නැගී එන තරු මිශ්‍ර වූ විශිෂ්ටතම ජාත්‍යන්තර තරු ඇතුළත් වේ.
කොළඹ ස්ට්‍රයිකර්ස්, ගාලු මාර්වල්ස්, හම්බන්තොට බංග්ලා ටයිගර්ස්, ජැෆ්නා ටයිටන්ස්, කැන්ඩි බෝල්ට්ස් සහ මීගමුව බ්‍රේව්ස් යන කණ්ඩායම් මෙම තරගාවලියට තරග වදින කණ්ඩායම් 6යි.
සෑම කණ්ඩායමකටම උපරිම වශයෙන් ක්‍රීඩකයින් 17 දෙනෙකුගෙන් යුත් සංචිතයක් සහ ජාත්‍යන්තර ක්‍රීඩකයින් හත් දෙනෙකු ඇතුළුව අවම වශයෙන් ක්‍රීඩකයින් 15 දෙනෙකුගෙන් සමන්විත වේ.
