රංගන හේරත්ගෙන් හිඩැසට පාකිස්තානයේ හිටපු පා දඟ පන්දු යවන්නකු වන මුෂ්ටාක් අහමඩ් බංග්ලාදේශ දඟ පන්දු පුහුණුකාර ධුරයට පත් කෙරේ.

පාකිස්තානයේ හිටපු පා දඟ පන්දු යවන්නකු වන මුෂ්ටාක් අහමඩ් මේ වසරේ විස්සයි 20 ලෝක කුසලාන තරගාවලිය අවසන් වනතුරු බංග්ලාදේශ පිලේ දඟ පන්දු පුහුණුකරු ලෙස පත් කර ඇත. 53 හැවිරිදි මුෂ්ටාක් අහමඩ් මේ මස අගභාගයේදී සිම්බාබ්වේ පිලට එරෙහිව පැවැත්වීමට නියමිත විස්සයි 20 තරගාවලියට පෙර බංග්ලාදේශ කණ්ඩායමට එක්වනු ඇතැයි ද වාර්තා වේ.

මුෂ්ටාක් අහමඩ් බංග්ලාදේශ පිලේ දඟ පන්දු පුහුණුකරු ලෙස පත් කර ඇත්තේ මීට පෙර එම තනතුරෙහි කටයුතු කළ රංගන හේරත් වෙනුවටය. පසුගිය වසරේ අගභාගයේදි නවසීලන්තය සමඟ පැවැති පළමු ටෙස්ට් තරගයෙන් පසු රංගන හේරත් එම තනතුරෙන් ඉවත් විය.