ඉන්දියානුවෝ ගියවර ලෝක ශුරයන් ගෙදර යවති – ඉන්දියාව තවමත් අපරාජිතව පෙරමුණෙ.

ඉන්දියාව සහ එංගලන්තය අතර ලක්නව් නුවර ඒකානා ක්‍රිකට් ක්‍රීඩාංගණ‍යේදී ඊයෙ (29 වැනිදා) පැවැති ‍එක්දින ලෝක කුසලාන තරගයෙන් ලකුණු 100 ක පහසු ජයක් වාර්තා කිරීමට ඉන්දියාව සමත් විය. මෙම තරගයේදී ලැබූ පරාජයත් සමග එංගලන්තයට තරගාවලියේ අවසන් පූර්ව වටයට සුදුසුකම් ලබාගැනීමට තිබූ අවස්ථාව ගිළිහී ගියේය.

එංගලන්තයට මූලික වටයේ තවත් තරගය 3 ක් ඉතිරිව ඇති අතර එම තරග 3 ම ජයගත්තද ලබාගත හැකි වන්නේ ලකුණු 8 ක් පමණි. ප්‍රසාද ලකුණු සටහනේ තෙවැනි සහ සිව්වැනි ස්ථානවල පසුවන නවසීලන්තය සහ ඕස්ට්‍රේලියව මේ වන විටත් ලකුණු 8 බැගින් ලබා සිටින බැවින් ඔවුන් තවත් එක් ජයග්‍රහණයක් පමණක් ලැබුවද, එංගලන්තයට ඔවුන් පසුකර යෑමට නොහැකි වනු ඇත.