විරාට් කෝලිට සහ ගෞතම් ගාම්භීර්ට ඔවුන්ගේ තරග ගාස්තුවෙන් 100% ක දඩයක්.
විරාට් කෝලිට සහ ගෞතම් ගාම්භීර්ට ඔවුන්ගේ තරග ගාස්තුවෙන් 100% ක දඩයක් සහ නවීන් උල් හක්ට #IPL ආචාර ධර්ම පද්ධතිය කඩ කිරීමේ වරදට තරග ගාස්තුවෙන් 50% ක දඩයක් ද නියම කර ඇත.
සඳුදා ලක්නව් හි පැවති ඉන්දීය ප්‍රිමියර් ලීග් තරඟයේදී ඇති වූ බහින්බස් වීමක් හේතුවෙන් හිටපු ඉන්දීය කණ්ඩායම් සගයන් වන විරාත් කෝලි සහ ගෞතම් ගාම්භීර් ඔවුන්ගේ සම්පූර්ණ තරඟ ගාස්තුව කපා හැරිය බව සංවිධායකයින් පවසයි.
කෝලිගේ රෝයල් චැලෙන්ජර්ස් බැංගලෝර් කණ්ඩායම පසුගිය මාසයේ චින්නස්වාමි පිටියේදි ලක්නව් සුපර් ජයන්ට් විසින් පරාජයට පත් කරන ලදි.
එයට පළිගැනීමේ අරමුණින් බැංගලෝර් කණ්ඩායම ඊයෙ අඩු ලකුණු ප්‍රමාණයේ තරගයකදී ලකුණු 126-9ක් සාර්ථක ලෙස ආරක්ෂා කර ගත් අතර, ඔහුගේ සටන්කාමී ස්වභාවය කෝලි තරගය පුරා සජීවීව දිස් විය, කෑගසමින් සෑම දැවී යාමකදීම ලක්නව් ප්‍රේක්ෂකයන්ට විවිද සංඥා කළේය.
ක්‍රීඩකයින් අතට අත දෙන විට කෝලි ලක්නව් පන්දු යවන ක්‍රීඩක නවීන්-උල්-හක් සමඟ නොපැහැදිලි වචන හුවමාරුවක් සිදු කරන බව පෙනී ගිය අතර පසුව ගාම්භීර්ද එයට එක් විය.
34 හැවිරිදි කෝලි මුලදී ඔහු ගාම්භීර් සමඟ තර්ක කිරීමට උත්සාහ කරන බවක් පෙනෙන්නට තිබුණත් සංවාදය උණුසුම් වූ අතර මීට පෙර 2013 IPL තරඟයකදීද ගැටුණු මෙම යුගලය කණ්ඩායම් සගයන් විසින් සමතයකට පත් විය.
41 හැවිරිදි ගාම්භීර්ට තරඟාවලියේ ආචාර ධර්ම පද්ධතිය කඩ කිරීම හේතුවෙන් ඔහුගේ තරඟ ගාස්තුවෙන් 100% ක දඩයක් පැනවූ බව සංවිධායකයින් නිවේදනයක් නිකුත් කරමින් කියා සිටියේ කෝලිට ද එවැනිම දඩයක් නියම කර ඇති බවයි.
