මන්ත්‍රී ‘ෂකීබ්’ සෙල්ෆියක් ඉල්ලන් ආ රසිකයෙකුට පහර දෙයි – වීඩියෝව මෙතනින් බලන්න
බංග්ලාදේශ ක්‍රිකට් ක්‍රීඩක ෂකීබ් අල් හසන් සෙල්ෆි ඡායාරූපයක් ගැනීමට උත්සාහ කළ රසිකයකුට පහරදෙයි. පෙරේදා බංග්ලාදේශයේ ප්‍රයිම් බෑන්ක් ක්‍රිකට් සමාජයට එරෙහිව ෂාහෙබ් ඔස්මාන් අලි ක්‍රීඩාංගණයේ පැවති තරගයට පෙර පුහුණුවීම් අතරතුරදී මේ සිදුවීම වාර්තා විය. ඩකා ප්‍රිමියර් ලීග්හි ෂෙයික් ජමාල් ධන්මොන්ඩි සමාජය වෙනුවෙන් ෂකීබ් ක්‍රීඩා කරමින් සිටියි.
තරගයේ කාසියේ වාසිය උරගා බැලීමට පෙර, ෂකීබ් ප්‍රධාන පුහුණුකරු ෂෙයික් සලාහුදීන් සමඟ කතාබස් කරමින් සිටියදී රසිකයෙක් පැමිණ ෂකීබ් සමඟ සෙල්ෆියක් ගැනීමට උත්සාහ කළේය. රසිකයාගෙන් දුරකතනය උදුරා ගැනීමට උත්සාහ කළ ෂකීබ් රසිකයාට පහර දුන් බවට සඳහන් වේ. එම සිදුවීම සහිත වීඩියෝවක් සමාජ මාධ්‍ය ඔස්සේ සංසරණය වෙමින් පවතී.
Shakib trying to beat a fan who tried to take a selfie. What is this behavior??. @GemsOfCricket pic.twitter.com/tEdmwfEUig
— Schrödinger (@Wave__Equation) May 6, 2024
