දසුන් ශානක, භානුක රාජපක්ෂ ඇතුළු ශ්‍රී ලංකා ක්‍රීඩකයන් 5ක් සමග ක්‍රිකට් දැවැන්තයන් රැසක් ඇතුලත් කරමින් Dubai Capitals කණ්ඩායම සිය සංචිතය නම් කරයි.!
ක්‍රිකට් ක්‍රීඩාව මේ වන විට අති දැවැන්ත වාණිජ වටිනාකමක් හිමි ක්‍රීඩාවක් බවට පත්ව තිබෙන අතර එයට ලොව පුරා පැවැත්වෙන ප්‍රිමියර් ලිග් තරඟ කදිම සාදකයක් බවට පත්ව තිබෙනවා.
ඒ අනුව ෆ්‍රැරැන්චයිස් ක්‍රිකට් ලිග් තරඟාවලින් අතරට එක් වන අලුත්ම තරඟාවලිය ILT20 හෙවත් එක්සත් අරාබි එමීර් රාජ්‍ය පැවැත්වීමට සැලසුම් කරන අලුත්ම ජාත්‍යන්තර විස්සයි-20 ලීගය International League T20 තරඟාවලියයි.
මේ අතරින් ඉන්දීය ප්‍රිමියර් ලීග් තරගාවලියේ Delhi Capitals කණ්ඩායම් හිමිකාරීත්වට දරන Shri Kiran Kumar Grandhi විසින් ILT20 තරඟාවලියේ Dubai Capitals කණ්ඩායමේ හිමිකාරීත්වයේ ලබාගත් අතර ඒ GMR Group යටතේය. මේ අතර මීට සුළු මොහොතකට පෙර Dubai Capitals කණ්ඩායම මෙවර ILT20 තරඟාවලියේ සිය සංචිතය නිවේදනය කරනු ලැබුවා.
ක්‍රීඩකයින් 14 දෙනකුගෙන් සමන්විත මෙම සංචිතයට තවමත් Local Players ලා හෙවත් UAE ක්‍රීඩකයින් නම් කර නැහැ.
කෙසේ නමුත් මෙම ක්‍රීඩකයින් 14ක් ඇතුලත් සංචිතය තුළට ශ්‍රී ලංකා ක්‍රීඩකයින් 5දෙනෙකු නම් වී ඇති අතර ඒ ශ්‍රී ලංකා විස්සයි-20 සහ එක්දින නායක දසුන් ශානක, ප්‍රහාරාත්මක පිතිකරු භානුක රාජපක්ෂ, වේග පන්දු යවන ක්‍රීඩක දුෂ්මන්ත චමීර, කඩුලු රකින ක්‍රීඩක නිරෝෂන් දික්වැල්ල සහ තුන් ඉරියව් ක්‍රීඩක ඉසුරු උදනයි.
මීට අමතරව මෙම සංචිතයට බටහිර ඉන්දිය කොදෙව් සුපිරි පිතිකරු Rovman Powell, සිම්බාබ්වේ ක්‍රීඩක Sikandhar Raza ඇතුළු සුපිරි ක්‍රිඩකයන් රැසක් ඇතුලත්ව තිබෙනවා.
Dubai Capitals කණ්ඩායමේ සංචිතය පහතින්
1. Rovman Powell
2. Dushmantha Chameera
3. Hazratullah Zazai
4. Sikandar Raza
5. Niroshan Dickwella
6. Mujeeb Ur Rahman
7. Fabian Allen
8. Dasun Shanaka
9. Bhanuka Rajapaksa
10. Blessing Muzarabani
11. Isuru Udana
12. Fred Klaassen
13. Dan Lawrence
14. George Munsey
