අයේ නම් යන් නෑ කිව්ව හතුරුසිංහ, හදිසියේම බංගලාදේශය සමග මිතුරු වෙයි.
බංග්ලාදේශ ප්‍රධාන පුහුණුකරු චන්දික හතුරුසිංහ මහතා යළි කණ්ඩායම සමඟ එක්වන බව බංග්ලාදේශ ක්‍රිකට් කළමනාකරණ අංශයේ ප්‍රධානී ජලාල් යූනුස් මහතා මාධ්‍ය වෙත පවසා ඇත. ශ්‍රී ලංකාව සමඟ ටෙස්ට් ක්‍රිකට් තරගාවලිය අතරතුරදී නිවාඩුවක් සඳහා ඔස්ට්‍රේලියාව බලා පිටත්ව ගිය හතුරුසිංහ මහතා හෙට (21) පැමිණෙන බව යූනුස් මහතා සඳහන් කොට ඇත.
පුහුණුකරු චන්දික හතුරුසිංහ මහතා නිවාඩුවෙන් පසු බංග්ලාදේශයට නොපැමිණෙන බවට දින කිහිපයකට පෙර කටකතා පැතිර ගියද එම පුවත සත්‍යයක් නොවන බවට ක්‍රිකට් කළමනාකරණ අංශයේ ප්‍රධානියාගේ අදහස වී තිබේ.
සිම්බාබ්වේ සමඟ තරග පහකින් සමන්විත විස්සයි20 තරගාවලිය මැයි 3 වැනිදා චිතගොංහිදී ආරම්භ වීමට නියමිත අතර, සිම්බාබ්වේ තරගාවලියට පෙර සියලු පුහුණුකරුවන් එක්වන බව සඳහන් කොට තිබේ. බංග්ලාදේශ පිල අමෙරිකාවේ පැවැත්වෙන විස්සයි20 ලෝක කුසලානයට හතුරුසිංහ යටතේ සහභාගිවීමට නියමිතය.
කෙසේ වුවද හදිසියේම කණ්ඩායමෙන් ඉවත්ව ඔස්ට්‍රේලියාව බලා පිටත්ව ගිය පුහුණුකරු චන්දික හතුරුසිංහ යළි බංග්ලාදේශ කණ්ඩායමට එක්වීම සැකසහිත බව එරට ක්‍රිකට් මණ්ඩලයේ අධ්‍යක්ෂ කලීඩ් මහ්මුද් සුජාන් මහතා දින කිහිපයකට පෙර පවසා තිබිණි.
අමෙරිකානු ඩොලර් 25000ක් (ශ්‍රී ලංකා රුපියල් ලක්ෂ 75ක්) වැටුපක් හා වරප්‍රසාද රැසක් ලබන ශ්‍රී ලංකා ජාතික පුහුණුකරුට රැකියාවෙන් ඉවත්වීමට සිදුවන බව ක්‍රිකට් අධ්‍යක්ෂවරයා සඳහන් කළේය.
