වසර 28ක් පැරැණි ලෝක වාර්තා­වක් ජයි­ස්වාල් සම කරයි

ඉන්දීය ටෙස්ට් පිලේ නැඟී එන සුපිරි තරුව බවට පත් වූ ආර­ම්භක පිති­කරු යෂස්වි ජයි­ස්වාල් වසර 28ක් පැරැණි ලෝක වාර්තා­වක් සම කිරී­මට සමත් විය. ඔහු මේ වාර්තාව තැබුවේ සංචා­රක එංග­ලන්ත පිලට එරෙ­හිව ඉන්දීය පිලට ලකුණු 434ක දැවැන්ත ජයක් හිමි­කර දෙමින් පෙරේදා රාජ්කෝට් නුව­රදී නිමා­වට පත් වූ තුන්වැනි ටෙස්ට් තර­ග­යේ­දීය. එහිදී ඉන්දීය දෙවැනි ඉනිමේ නොදැවී ලකුණු 214ක් රැස් කළ මේ 22 හැවි­රිදි වමත් පිති­ක­රුවා හයේ පහර 12ක් එල්ල කර­මින් සම­ක­රනු ලැබුවේ 1996 වස­රේදි වසීම් අක්රම් සිම්බාබ්වේ පිලට එරෙ­හිව තැබූ ටෙස්ට් ඉනි­මක වැඩිම හයේ පහර සංඛ්‍යාවේ ලෝක වාර්තා­වය.