‘මට පැරදෙන්න වෙනව නම්, MS Dhoni ට පැරදුනත් කමක් නැහැ’ – අවසන් මහා තරගයෙන් අනතුරුව Hardik Pandya කියන කතාව.
අහමදාබාද්හි පැවති IPL 2023 අවසන් මහා තරඟයේ අවසන් පන්දුවේදී පුසුගිය වතාවේ ශූරයන් වූ ගුජරාට් ටයිටන්ස් කණ්ඩායම චෙන්නායි සුපර් කිංග්ස් කණ්ඩායම හමුවේ පරාජයට පත්වීමෙන් පසුව , ගුජරාට් ටයිටන්ස් නායක හර්දික් පාණ්ඩ්‍යා පැවසුවේ ඔහු තම උපදේශකයා ලෙස සලකන MS දෝනිට පරාජය වීම ප්‍රශ්නයක් නොවන බවයි .
වර්ෂාවෙන් බාධා එල්ල වූ තරගයට අවසන් පන්දු දෙකේදි CSK කණ්ඩායමට ලකුණු දහයක් අවශ්‍ය වූ අතර, රවීන්ද්‍ර ජඩේජා මෝහිත් ෂර්මාට හයේ පහරක් සහ හතරක් එල්ල කරමින් තම කණ්ඩායමේ ජයග්‍රහණය තහවුරු කළේය.
“මම ඔහු [දෝනි] ගැන ගොඩක් සතුටු වෙනවා,” හර්දික් තරඟයෙන් පසු ඉදිරිපත් කිරීමේ දී පැවසීය. “දෛවය අද දෝනි වෙනුවෙන් ලියලා තිබුණා. මට පැරදුණොත් මට එයාගෙන් පැරදුණාට කමක් නැහැ. මම ගිය අවුරුද්දේ කිව්වා හොඳ මිනිස්සුන්ට හොඳ දේවල් වෙනවා කියලා. මම හිතන්නේ ඔහු මට හමු වූ ලස්සනම මිනිසුන්ගෙන් කෙනෙක්. දෙවියන් වහන්සේ මට කරුණාවන්තයි, නමුත් මම හිතන්නේ දෙවියන් වහන්සේ අද ඔහුට තව ටිකක් දුන්නා.
