අසිත ප්‍රනාන්දු, දුෂාන් හේමන්ත, බිනුර ප්‍රනාන්දු හා නුවන් තුශාර ආසියානු කුසලානයට එක් වේ – කුසල් ජනිත්ටද කොල එලියක්.
කොවිඩ් 19 ආසාදනය වී ඇති බවට තහවුරු වූ කුසල් ජනිත් පෙරේරා පසුව සංචිතයට එක්වීමට ඉඩ ඇති බවද දැනගන්නට ඇත.
දිල්ශාන් මධුශංක වෙනුවට සංචිතයට එක්වීමට ඉඩ ඇති ක්‍රීඩකයන් දෙදෙනා වන්නේ නුවන් තුශාර සහ බිනුර ප්‍රනාන්දු හෝ කසුන් රාජිතයි.
අසිත ප්‍රනාන්දු සහ දුෂාන් හේමන්ත එළඹෙන ආසියානු කුසලාන ක්‍රිකට් තරගාවලිය සඳහා ක්‍රීඩකයින් 15 දෙනෙකුගෙන් යුත් ශ්‍රී ලංකා සංචිතයට එක් කර ඇති බව වාර්තා වේ.
29 හැවිරිදි තුන් ඉරියව් ක්‍රීඩක දුෂාන් හේමන්ත, ආබාධයකට ලක්ව සිටින වනිඳු හසරංග වෙනුවට ආදේශ කර ඇති අතර වනිදු ආබාධයකට ලක්ව සිටින අතර ඔහු අවම වශයෙන් ආසියානු කුසලානයේ මූලික තරග සඳහා ඉවත් කර තිබේ.
හසරංග මෙන්ම හේමන්ත ද දකුණත් පිතිකරුවෙක් සහ ලෙග් බ්‍රේක් පන්දු යවන්නෙක්.
26 හැවිරිදි අසිත ප්‍රනාන්දු ද දුෂ්මන්ත චමීර මෙන් දකුණත් වේගපන්දු යවන්නෙක්.
ශ්‍රී ලංකා කණ්ඩායම ඉරිදා සවස ශ්‍රී ලංකා ක්‍රිකට් (SLC) මූලස්ථානයෙන් මහනුවර බලා පිටත්ව යාමට නියමිතය.
ශ්‍රී ලංකාව සහ ඉන්දීය කණ්ඩායම් දෙකම එකම හෝටලයක නවාතැන් ගැනීමට නියමිතයි.
උපුටා ගැනීම – Daily mirror
