දිල්ලි පන්දු යවන්නෝ ගුජරාට් අසරණ කරයි .

ඉන්දීය ප්‍රිමියර් ලීග් තරගාවලියේ 32 වැනි තරගය ලෙස ගුජරාට් ටයිටන්ස් කණ්ඩායම සහ දිල්ලි කැපිටල්ස් කණ්ඩායම අතර අහමදාබාද් නුවර නරේන්ද්‍ර මෝදි ක්‍රීඩාංගණයේදී අද (17 වැනිදා) පැවැති තරගයෙන් කඩුලු 6 ක ජයක් වාර්තා කිරීමට දිල්ලි කණ්ඩායම සමත් විය. දිල්ලි පිල මෙවර තරගාවලියේදී ලැබූ තෙවැනි ජය මෙය විය.

ජයග්‍රහණය සඳහා ලකුණු 90 ක ඉලක්කයක් හඹාගිය දිල්ලි ක්‍රීඩකයෝ, ඕවර 8.5 ක් අවසානයේ කඩුලු 4 ක් දැවී ඉලක්කය සපුරාගත්හ. ශායි හෝප් පන්දු 10කදී හයේ පහර 2 ක් සහ හතරේ පහරක් සමග ලකුණු 19 ක්ද, ජේක් ෆ්‍රෙසර් පන්දු 10 කදී හයේ පහර 2 ක් සහ හතරේ පහර 2 ක් සමග ලකුණු 20 ක්ද රැස්කරමින් සිය කණ්ඩායම ජයග්‍රහණය කරා ගෙන ගියහ.