“අපේ රටේ මිනිස්සු අසීරු තත්වයක ඉන්නෙ, මේ ජයග්‍රහණය ඔවුන්ට යම් සතුටක් රැගෙන ඒවි” – දිමුත් කරුණාරත්න ජයග්‍රහණයෙන් අනතුරුව මාධ්‍ය හමුවේදි කියයි.!
සත්කාරක බංග්ලාදේශ කණ්ඩායමට එරෙහිව පැවැති තරඟ දෙකකින් යුත් ටෙස්ට් තරඟාවලිය මිර්පුර්හිදී අද නිමාව දුටුවේ 1-0ක් ලෙස තරඟාවලියේ ජයග්‍රහණය ශ්‍රී ලංකාවට හිමිකර දෙමිනි. මිර්පුර් හිදී ශ්‍රී ලංකා වේගපන්දු යවන්නන් සමස්ත තරඟය පුරාවටම බංග්ලාදේශ පිතිකරුවන්ගේ දුර්වල පිතිකරණයෙන් ප්‍රයෝජන ලබාගැනීම විශේෂත්වයක්.
මෙම තරගයේදී පිතිකරුවන් ලෙස ඇන්ජලෝ මැතිව්ස්, දිනේෂ් චන්දිමාල්, දිමුත් කරුණාරත්න වැනි ක්‍රීඩකයෙක් ඉහළ දස්කම් දැක් වූ අතර පන්දු යවන්නන් අතරින් අසිත ප්‍රනාන්දු සහ කසුන් රාජිතවිශිෂ්ට පන්දු යැවීමක නිරත වුනා.
ඒ බංග්ලාදේශය ක්‍රිකට් කණ්ඩායම හා සුප්‍රසිද්ධ දඟ පන්දු යවන්නන් රජ කරන මීර්පූර් ක්‍රිකට් ක්‍රීඩාංගණයේ ශ්‍රී ලංකා වේගපන්දු යවන්නන්ගේ අණසක පතුරුවමිනි.
මෙම තරගයේ කඩුලු 10ක් බිද හෙලු අසිත ප්‍රනාන්දු තරගයේ වීරයා ලෙස සම්මාන ලබද්දී තරගාවලියේ වීරයා ලෙස තරඟාවලිය පුරාවට ශතක දෙකක් රැස්කළ ඇන්ජලෝ මැතිව්ස් පත්වුණා.
ඒ අනුව එදා මෙදාතුර ඉතිහාසයේ තවමත් බංගලාදේශයට ශ්‍රී ලංකා පරාජය කළ ටෙස්ට් තරගාවලි ජයග්‍රහණයක් ලැබීමට නොහැකි වී තිබීම විශේෂත්වයක්.
එමෙන්ම තරගය අවසානයේ මාධ්‍ය වෙත අදහස් දැක්වු ශ්‍රී ලංකා.නායක දිමුත් කරුණාරත්න මෙම ජයග්‍රහණය සමග ශ්‍රී ලාංකිකයන්ට කිසියම් හෝ අස්වැසිල්ලක් ලබා දීමට හැකි වීම පිළිබඳව තමන් සතුටු වන බව ප්‍රකාශ කර සිටියා,
එහිදි වැඩිදුරටත් අදහස් දැක්වූ දිමුත්, “අවසානයේ මේ ජයග්‍රහණය සදහා සියලු ශ්‍රී ලාංකිකයන්ව එකතුකරගන්න අපි කැමති.. අපේ රටේ මිනිස්සු අසීරූ අවධියකට මුහුණ දෙමින් ඉන්නේ.. මේ ජයග්‍රහණය ඔවුන් සියලු දෙනාටම යම් සතුටක් රැගෙන ඒවී..”
එම අවස්ථාව පහතින් නරඹන්න
