මාලිබෝන් ක්‍රිකට් සමාජයේ මීලඟ සභාපතිවරයා ලෙසින් සුප්‍රසිද්ධ විකට නළුවෙකු වන ස්ටෙෆන් ෆ්‍රයි පත් කෙරේ.!
ක්‍රිකට් ලෝකයේ නිවහන ලෙසින් සැලකෙන ඓතිහාසික ලෝඩ්ස් පිටිය කේන්ද්‍ර කරගනිමින් 1787 වසරේදී ආරම්භ වූ මාලිබෝන් ක්‍රිකට් සමාජයේ මීළඟ සභාපති වරයා ලෙසින් සුප්‍රසිද්ධ ඉංග්‍රීසි විකට නළුවෙකු වන ස්ටෙෆන් ෆ්‍රයි පත් කිරීමට නියමිත බව මාලිබෝන් ක්‍රීකට් සමාජයේ නිල වෙබ් අඩවිය සඳහන් කර තිබුණි.
2022 ඔක්තෝම්බර් 1 වන දින වත්මන් සභාපතිනිය වන හිටපු ශ්‍රී ලංකා නායක කුමාර් සංගක්කාරගේ අනුප්‍රාප්තිකයා වූ ක්ලෙයා කෝනර්ගේ ධුර කාලය නිමාවීමට නියමිතය.ඒ හේතුවෙන් කෝනර්ගේ අනුප්‍රාප්තිකයා නම් කිරීමේ වගකීම කෝනර්ට පැවරුණි.එහිදී කෝනර් විසින් 64 හැවරිදි ස්ටෙෆන් ෆ්‍රයි ඒ සඳහා නම් කර සිටියේය.
වෘත්තියෙන් විකට නළුවෙකු මෙන්ම ලේඛකයෙකු වන ෆ්‍රයි 2011වසරේ සිට MCC හි සාමාජිකයෙකි
“MCC හි මීළඟ සභාපති ලෙස නම් කිරීමට ලැබීම ගැන මට ගෞරවයක් සහ ආඩම්බරයක්” යැයි ෆ්‍රයි මාධ්‍ය වෙත පසුගියදා පැවසීය. “එය ක්‍රීඩාවේ නියෝජනය කරන දේ සඳහා ලොව පුරා ප්‍රසිද්ධ ක්‍රීඩා සමාජයක් වනවා මෙම භූමිකාව ඉටු කිරීමට අවස්ථාව ලබා දීම සැබවින්ම මම නිහතමානී වෙනවා .” යනුවෙන් ඔහු තව දුරටත් කියා සිටියේය.
පසුගිය වසරේ 20 වැනි MCC Spirit of Cricket Cowdrey දේශනය ෆ්‍රයි පැවැත්වූ අතර, 2001 වසරේ මෙම උත්සවය ආරම්භ වූ දා සිට දිවංගත අගරදගුරු Desmond Tutu ගෙන් පසුව ක්‍රිකට් ක්‍රීඩකයෙකු නොවන දෙවැනි පුද්ගලයා බවට ෆ්‍රයි පත් විය.
කොනර් 1787 දී පිහිටුවන ලද MCC හි පළමු කාන්තා සභාපතිනිය බවට පත් වූ අතර ඇය පසුගිය වසරේ ඔක්තෝම්බර් මාසයේදී වැඩ භාර ගන්නා ලදී.
“මගේ අනුප්‍රාප්තිකයා ලෙස ස්ටීවන් ප්‍රකාශයට පත් කිරීමට හැකිවීම ගැන මම සතුටට පත්වෙනවා.ඔහු ක්‍රිකට් ක්‍රීඩාවට ගැඹුරු ආදරයක් සහ සැලකිල්ලක් දක්වන අතර MCC වෙනුවෙන් අපූරු තානාපතිවරයකු වේවි.පසුගිය වසරේ ඔහු විසින් පවත්වන ලද Cowdrey දේශනය අතිශය ප්‍රබෝධමත් වූ අතර MCC සහ ක්‍රිකට් යන දෙඅංශයේම මුහුණ දෙන අභියෝග සහ අවස්ථාවන් ඔහු කෙතරම් දුරට තේරුම් ගෙන ඇත්ද යන්න එහිදී ඔහු පෙන්නුම් කලා. ඔහු මෙම භූමිකාවට අත්දැකීම් සම්භාරයක් ගෙනේවි.ඔහු ඔහුගේ වසර හොඳින් භුක්ති විඳිනු ඇතැයි මම බලාපොරොත්තු වෙනවා.” යනුවෙන් වත්මන් සභාපතිනිය වන ක්ලෙයා කෝනර් කියා සිටියාය.
