මතභේදාත්මක විනිසුරු තීරණය ශ්‍රි ලංකා ජයග්‍රහණයට බාධාවක් උනාද ?

තෙවැනි විනිසුරු දුන් මතභේදාත්මක තීන්දුවක් හේතුවෙන් ශ්‍රී ලංකා පිලට ඊයේ තරගයේ බංග්ලාදේශ පළමු කඩුල්ල ලකුණු 28දී දවා ගැනීමට තිබූ අවස්ථාව අහිමි වී ගියේය. නිමේ සිවුවැනි ඕවරය යැවූ බිනුර ප්‍රනාන්දුගේ පළමු පන්දුවෙන් කුසල් මෙන්ඩිස් උඩ පන්දුවක් රැක ගැනීම නිසා සෞම්‍ය සර්කාර් දැවී ගිය බවට ශ්‍රී ලංකා පිල කළ ඉල්ලීම පිටියේ විනිසුරු තහවුරු කළ ද සර්කාර් එය තෙවැනි විනිසුරු යොමු කිරීමට කටයුතු කළේය.

එහිදී පන්දුව පිත්ත පසු කිරීමත් සමඟ ශබ්ද තරංගයක් පුවරූපනවල දී දැක ගත හැකි වුවත් තෙවැනි විනිසුරු විසින් එය දැවී යෑමක් නොවන බවට තීරණය කළේය. එම තීන්දුවට ශ්‍රී ලංකා ක්‍රීඩකයන් දැඩි විරෝධයක් එල්ල කළ අතර, මේ හේතුවෙන් තරගය යළි ආරම්භය මිනිත්තු කිහිපයකින් ප්‍රමාද විය.