විනය නීති කඩකිරීම හේතුවෙන් යොවුන් පිතිකරු කමිල් මිශාර ආපසු ලංකාවට කැඳවයි – ලංකාවේදි විනය පරීක්ෂණයක් කිරීමටද නියමිතයි
විනය නීති කඩකිරීමේ චෝදනාව මත කමිල් මිශාර යළි ශ්‍රී ලංකාවට කැඳවා තිබේ.බංග්ලාදේශ කණ්ඩායම සමඟින් පැවැත්වෙන ටෙස්ට් තරඟාවලියේ අවසන් තරඟය මේ වන විට ඩකා හිදී පැවැත්වෙයි.ඒ අතරතුර මෙම සිදුවීම සිදුව ඇති බවයි වාර්තා වෙන්නේ.
මේ බව ශ්‍රී ලංකා ක්‍රිකට් ආයතනය මීට සුළු මොහොතකට පෙර නිල වශයෙන් ප්‍රකාශ කළේය.
එහි සඳහන් වනුයේ කමිල් මිශාර ඔහුගේ සංචාර කොන්ත්‍රාත්තුවේ දැක්වෙන පරිදි ක්‍රීඩකයාගේ හැසිරීම/හැසිරීම පාලනය කරන [(අංක අංක 1 (j) වගන්තිය]] නීති උල්ලංඝනය කිරීම සම්බන්ධයෙන් කමිල් මිශාර බංග්ලාදේශයෙන් ආපසු කැඳවීමට ශ්‍රී ලංකා ක්‍රිකට් (SLC) තීරණය කර ඇත. ඒ අනුව දැනට පැවැත්වෙන ශ්‍රී ලංකාව සහ බංග්ලාදේශය අතර පැවැත්වෙන තරඟාවලියට සහභාගී වන 18 දෙනෙකුගෙන් යුත් සංචිතයේ සාමාජිකයෙකු වන මිෂාර වහාම ශ්‍රී ලංකාවට රැගෙන ඒමට නියමිතයි. ඔහු ආපසු පැමිණීමෙන් පසු, ශ්‍රී ලංකා ක්‍රිකට් විසින් ‘උල්ලංඝන’ පිළිබඳ පූර්ණ පරීක්ෂණයක් පවත්වනු ඇති අතර පරීක්ෂණයේ ප්‍රතිඵලය මත ක්‍රීඩකයා සම්බන්ධයෙන් ඉදිරි ක්‍රියාමාර්ග තීරණය කරනු ඇත.
