2023 එක්දින ලෝක කුසලාන ඉන්දීය කණ්ඩායම අද ප්‍රකාශයට පත් කිරීමට නියමිතයි – තිලක් වර්මා හා සංජු සැම්සන් අවසන් 15න් ඉවතට.
2023 එක්දින ලෝක කුසලාන ඉන්දීය කණ්ඩායම අද ප්‍රකාශයට පත් කිරීමට නියමිතයි. ඉන්දීය ක්‍රිකට් පාලක මණ්ඩලයේ (BCCI) තේරීම් කමිටු ප්‍රධානී අජිත් අගාර්කාර් ශ්‍රී ලංකාවට පැමිණ කණ්ඩායම් කළමනාකාරීත්වය සමඟ සාකච්ඡාවක් පවත්වා සංචිතය අවසන් කිරීමට පැමිණි බව ආරංචි මාර්ග NDTV වෙත පවසා ඇත.
එක්දින ලෝක කුසලාන සංචිතය ක්‍රීඩකයින් 15 දෙනෙකුගෙන් යුත් කණ්ඩායමක් වීමත් සමඟ කඩුලු රකින පිතිකරු සංජු සැම්සන්ට ස්ථානයක් හිමි නොවූ අතර නැවතත් යෝග්‍යතාවයට පත් වූ KL රාහුල් තෝරා ගන්නා ලදී.
ආගාර්කර් ආසියානු කුසලානය සඳහා ඉන්දීය සංචිතය ප්‍රකාශයට පත් කරන විට, ඔහු යෝජනා කළේ එක්දින ලෝක කුසලාන ලැයිස්තුවද ඒ හා සමානව පවතිනු ඇති බවයි. කෙසේ වෙතත්, ආසියානු කුසලාන සංචිතය 17 දෙනෙකුගෙන් යුත් කණ්ඩායමක් වූ අතර, සැම්සන් අතිරේක ක්‍රීඩකයෙක් ලෙස ඇතුළත් විය. ලෝක කුසලාන සංචිතයට ක්‍රීඩකයින් 15 දෙනෙකු පමණක් ඇතුළත් වීමට නියමිත බැවින් ප්‍රධාන සංචිතයේ සාමාජිකයින් දෙදෙනෙකු ඉවත් කිරීමට සිදු විය.
එම ලැයිස්තුවෙන් ඉවත් කෙරෙන සාමාජිකයින් දෙදෙනා තිලක් වර්මා සහ ප්‍රසිද් ක්‍රිෂ්ණා බව දැනගන්නට ඇත . වර්මාට ආසියානු කුසලානය සඳහා ඔහුගේ මංගල එක්දින කැඳවීම භාර දුන් අතර, ක්‍රිෂාන් දිගු ආබාධයකින් ඉවත්වීමෙන් පසුව ලැයිස්තුවට ඇතුළත් විය. නැවත පැමිණෙන ක්‍රීඩකයින් අතරින් ජස්ප්‍රිත් බුම්රා , ශ්‍රේයාස් අයියර් සහ කේ.එල් රාහුල් යන තිදෙනාම ලෝක කුසලානය සඳහා වන ඉන්දීය සංචිතයේ ස්ථානයක් හිමිකරගෙන ඇත.
2023 ලෝක කුසලානය සඳහා ඉන්දීය පිලට ඉඩ ඇති සංචිතය: රෝහිත් ෂර්මා (C), හර්දික් පාණ්ඩ්‍යා (V.C), ශ්‍රෙයාස් අයියර්, සූර්යකුමාර් යාදව්, කේ.එල් රාහුල් (WK), විරාත් කෝලි, ශුබ්මන් ගිල් , අක්සාර් පටෙල් , රවීන්ද්‍ර ජඩේජා , ඉෂාන් කිෂාන් (WK), ෂාර්දුල් තාකූර් , කුල්දීප් යාදෙව් , මොහොමඩ් ෂාමි , මොහොමඩ් සිරාජ් සහ ජස්ප්‍රිත් බුම්රා.
