ශ්‍රී ලංකාව සහ බංග්ලාදේශය අතර පළමු ටෙස්ට් තරගය ජය පරාජයෙන් තොරව අවසන් ව්මත් සමග ලෝක ටෙස්ට් ශූරයන්ගේ තරගාවලියේ ශ්‍රී ලංකා ලකුණු සංඛ්‍යාව 28 දක්වා ඉහළ යයි.
ශ්‍රී ලංකාව සහ බංග්ලාදේශය අතර චිතගොන්හිදී පැවැති පළමු ටෙස්ට් තරගය ජය පරාජයෙන් තොරව අවසන් විය.
තරගයේ අවසන් දිනයේ දී තරගය ජය පරාජයෙන් තොරව අවසන් කිරීමට ශ්‍රී ලංකා පිතිකරුවන් සමත් විය.
මෙම තරගය හේතුවෙන් ලෝක ටෙස්ට් ශූරයන්ගේ කුසලාන තරගාවලියේ ශ්‍රී ලංකා ලකුණු සංඛ්‍යාව 28 දක්වා ඉහළ ගියේය.
බංගලාදේශයට එරෙහි පළමු ටෙස්ට් තරගයට පෙර ශ්‍රී ලංකාව ප්‍රසාද ලකුණු 24ක් ලබා සිටි අතර තරගය ජය පරාජයෙන් තොරව අවසන් වීමෙන් පසුව කණ්ඩායම් දෙකම ලකුණු 4 බැගින් ලබා සිටියේය.
කෙසේ වෙතත්, පළමු ටෙස්ට් තරගය ජය පරාජයෙන් තොරව අවසන් වීමත් සමඟ ශ්‍රී ලංකාවේ ලකුණු ප්‍රතිශතය (PCT%) පහත වැටුණි.
ශ්‍රී ලංකාව මේ වන විට ලෝක ටෙස්ට් ශූරතාවලිය යටතේ ටෙස්ට් තරග 5කට මුහුණ දී ඇති අතර ඉන් තරග දෙකක් ජයගෙන තරග දෙකක් පරාජය වී එකක් ජය පරාජයෙන් තොරව අවසන් වී තිබේ.
ඒ අනුව බංග්ලාදේශය සමග පැවැත්වෙන පළමු ටෙස්ට් තරගයෙන් පසු ශ්‍රී ලංකා ලකුණු ප්‍රතිශතය 46.67% කි.
මෙම ලකුණු ප්‍රතිශතය අනුව කණ්ඩායම් ශ්‍රේණිගත කිරීම්වල ශ්‍රී ලංකාව තවමත් 5 වැනි ස්ථානයේ පසුවේ.
